गंगापूर प्रतिनिधी:मराठवाडा शिक्षण प्रसारक मंडळ संचलित श्री मुक्तानंद महाविद्यालय, गंगापूर येथे गुरुवार, दि.२० ऑगस्ट २०२६ रोजी पदवीदान समारंभाचे आयोजन करण्यात आले आहे.कार्यक्रमाच्या अध्यक्षस्थानी मराठवाडा शिक्षण प्रसारक मंडळाचे केंद्रीय कार्यकारिणी सदस्य तथा महाविद्यालय विकास समितीचे सदस्य मा.अॅड.श्री.लक्ष्मणराव मनाळ हे राहणार आहेत. कार्यक्रमासाठी प्रमुख अतिथी म्हणून डॉ.भारत खंदारे,प्राचार्य, लाल बहादूर शास्त्री महाविद्यालय, मंठा, जि. जालना तथा व्यवस्थापन परिषद सदस्य, डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर आणि डॉ. रविकिरण सावंत, प्राध्यापक, विनायकराव पाटील महाविद्यालय, वैजापूर जि. छत्रपती संभाजीनगर तथा व्यवस्थापन परिषद सदस्य, डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर उपस्थित राहणार आहेत.
पदवीदान समारंभात शैक्षणिक वर्ष 2024-25 मध्ये पदवी प्राप्त केलेल्या विद्यार्थ्यांना पदवी प्रदान करून त्यांच्या शैक्षणिक यशाचा गौरव करण्यात येणार आहे. विविध शाखांमध्ये उल्लेखनीय कामगिरी करणाऱ्या विद्यार्थ्यांसाठी हा समारंभ विशेष प्रेरणादायी ठरणार आहे. पदवी प्राप्त केल्यानंतर विद्यार्थ्यांनी उच्च शिक्षण, संशोधन, उद्योग, व्यवसाय तसेच विविध क्षेत्रांत उज्ज्वल करिअर घडवावे, यासाठी मान्यवरांच्या मार्गदर्शनातून त्यांना प्रेरणा मिळणार आहे. तसेच बदलत्या काळातील आव्हानांना सामोरे जाताना विद्यार्थ्यांनी ज्ञान, कौशल्य,आत्मविश्वास आणि सकारात्मक दृष्टिकोन विकसित करून समाजाच्या प्रगतीत योगदान द्यावे,असा संदेश या समारंभातून दिला जाणार आहे.
हा पदवीदान समारंभ विद्यार्थ्यांच्या शैक्षणिक प्रवासातील एक महत्त्वाचा आणि संस्मरणीय टप्पा ठरणार असून, विद्यार्थ्यांसह त्यांच्या पालक, शिक्षक आणि महाविद्यालया साठीही हा अभिमानाचा क्षण असणार आहे. विद्यार्थ्यांच्या यशामागे पालकांचे प्रोत्साहन, शिक्षकांचे मार्गदर्शन आणि महाविद्यालयातील शैक्षणिक वातावरण यांचे महत्त्वपूर्ण योगदान आहे.त्यामुळे पदवी प्राप्त करणाऱ्या विद्यार्थ्यांसाठी हा दिवस त्यांच्या कष्टांचे आणि यशाचे औपचारिकपणे कौतुक करणारा ठरणार आहे.
पदवीदान समारंभासाठी महाविद्यालयाच्या वतीने जय्यत तयारी करण्यात येत असून, विद्यार्थ्यांसाठी आवश्यक व्यवस्था, कार्यक्रमाचे नियोजन तसेच विविध शैक्षणिक व प्रशासकीय बाबींची पूर्तता करण्यात येत आहे. समारंभ यशस्वीपणे पार पाडण्यासाठी महाविद्यालयातील प्राध्यापक, शिक्षकेतर कर्मचारी आणि विविध समित्यांकडून नियोजनबद्ध पद्धतीने काम सुरू आहे.
कार्यक्रमास महाविद्यालयाचे प्राचार्य प्रा. डॉ. आर. जे. चव्हाण, उपप्राचार्य डॉ. व्ही. एन. बागुल, उपप्राचार्य डॉ. बी. टी. पवार, अंतर्गत गुणवत्ता हमी कक्षाचे समन्वयक डॉ. विवेकानंद बी. जाधव, उपप्राचार्य डॉ. व्ही. टी. साबणे, पर्यवेक्षक डॉ. हरिराम सातपुते, प्रबंधक डॉ. विजय आहेर तसेच महाविद्यालय विकास समितीचे सदस्य कॅप्टन श्री. प्रशांत माने, श्री. संतोष अंबिलवादे आणि सौ. सुवर्णाताई जाधव यांचीही प्रमुख उपस्थिती लाभणार आहे.
पदवीदान समारंभाचा हा महत्त्वपूर्ण सोहळा विद्यार्थ्यांसाठी प्रेरणादायी आणि संस्मरणीय ठरणार असून, पालक व विद्यार्थ्यांनी मोठ्या संख्येने व वेळेत उपस्थित राहून समारंभाची शोभा वाढवावी,असे आवाहन महाविद्यालयाचे प्राचार्य प्रा.डॉ. आर.जे.चव्हाण यांनी केले आहे.